Luma Dream Machine

Go'zal videolar, animatsiya va video effektlar yaratishni boshlash uchun Luma Dream Machine video generatordan foydalaning. Ray2 tomonidan yaratilgan keng ko'lamli video yaratish neyroseti.

Hailuo Video yaratish neyrotarmog'i

Hailuo AI Video yaratish neyrotarmog'i fantaziyangiznijonlantiruvchi dastur bo'lib, video kadrlar yaratib beradi. Ideyalar fil'm bilan ucharashadigan AI neyrotarmoq

Windsurf - kod yozish assistenti

Dasturlashda sun'iy intellektli yordamchi neyrotarmoqdan foydalaning! Codeiumdan Windsurf kod yozish va tahrirlash xizmati yordamida dasturlashni avtomatizatsiya qiling

Lovable - Kod yozishda yordamchi

Lovable app AI neyrotarmog'i yordamida sayt yoki mobil ilova yaratishda kod yozish jarayonini avtomatlashtirish mumkin. Lovable yordamida senior dasturchidek yordamchiga ega bo'ling.

Runway - video yaratish

Runway video generatori yordamida g'oya, sahna yoki hikoyaning barcha mumkin bo'lgan variantlarini yarating. Videoda elementlar joylashuvini o'zgartiring, yoritishni sozlang, qahramonlar yarating. Konseptsiyani reallika olib o'tish o'rtasidagi farqni yengib o'ting.

SUNO - Musiqa yozish

SUNO - Musiqa generatori neyrotarmog'i yordamida rasm va videolar uchun musiqa va taronalar yozishni boshlang. Orzuingizdagi ohang va qo'shiqlarni Suno AI yuqori sifatli musiqa tarzida yaratadi

Github Copilot - Kod yozishda yordamchi

Github Copilot nima ?
Github Copilot - bu dasturchilar va dasturlashga endi qadam qoyganlar uchun sun'iy intellekt yordamchi bo'lib, Github va OpenAI kompaniyalaring kelishuvlar asosida yaratilingan loyiha. Dasturning asosiy vazifalari dasturchilarga kod yozish jarayonini tezlashtirish va soddalashtirishga yordam beradi. U Visual Studio Code, Visual Studio, Neovim va JetBrains kabi integratsiyalashgan dasturlash muhitlari (IDE) bilan ishlaydi. Intellekt avval yozilgan kodlarni o'rganib chiqadi va keyingi yozishiz kerak bo'lgan kodlarni tahmin qiladi.

Github Copilot narxlari:

Github Copilot sun'iy intellekti pullik bo'lib,o'z ichiga 3 ta tarifni oladi.

1. Copilot Individual

Ushbu reja alohida dasturchilar, freelancerlar, talabalar va o‘qituvchilar uchun mo‘ljallangan. Ular Copilot yordamida tezroq va samaraliroq kod yozishlari mumkin.

• Narxi: $10 USD oyiga yoki $100 USD yiliga.
• Imtiyoz: Tasdiqlangan talabalar, o‘qituvchilar va ochiq kodli loyihalar ishtirokchilari uchun bepul.
• Qulaylik: Bir haftalik bepul sinov muddati bilan taqdim etiladi.

2. Copilot Business

Katta jamoalar va kompaniyalar uchun mo‘ljallangan. Ushbu reja muhandislik jarayonlarini tezlashtirish, kod sifatini yaxshilash va dasturchi tajribasini oshirishga yordam beradi.

• Narxi: $19 USD foydalanuvchi uchun oyiga.
• Xususiyat: Ishlab chiquvchi guruhlar uchun eng ommabop reja.
• Qo‘shimcha: Bu rejani tanlashda to‘g‘ridan-to‘g‘ri xarid qilish yoki savdo bo‘yicha mutaxassislar bilan bog‘lanish mumkin.

3. Copilot Enterprise

Yirik korporatsiyalar va maxsus ehtiyojlarga ega kompaniyalar uchun ishlab chiqilgan. Ushbu reja kompaniyaning o‘ziga xos bilimlari va kod bazasiga moslashgan.

• Narxi: $39 USD foydalanuvchi uchun oyiga.
• Ma’qsad: Eng ko‘p moslashuv va maxsus funksiyalarni talab qiladigan tashkilotlar uchun ideal.
• Xizmat: Xarid qilish uchun savdo bo‘yicha maslahatchilar bilan aloqaga chiqish kerak.

Github Copilotdan qanday foydalanish:

Github Copilot sun’iy intellektidan foydalanish uchun maxsus IDE dasturlari kerak bo’ladi. Hozirgi paytda faqatgina Visual Studio Code, Visual Studio, Neovim va JetBrains kabi IDE larga integratsiya qilib ishlatish mumkin.

Visual Studio Code dasturiga Github Copilot o’rnatish:

1. Visual Studio Code dasturini yuklab oling
2. VS Code’ni oching va Extensions bo‘limida “GitHub Copilot” ni qidiring.
3. O‘rnatish tugmasini bosing va o‘rnatib bo‘lgach, VS Code-ni qayta ishga tushiring.


4. O‘rnatishdan so‘ng, GitHub Copilot sizdan GitHub hisobingizga kirishni so‘raydi. Authorize GitHub Copilot tugmasini bosib, GitHub hisobingizga kirib, ruxsat bering.


Github Copilotdan birinchi 30 kun bepul foydalanish mumkin,undan keyin esa tarif rejalardan birini tanlab foydalanishingiz mumkin. Tarif rejalarini istalgan vaqt almashtirish yoki bekor qilish mumkin.

Github Copilot va dasturlash tillari:

Github Copilot bir nechta dasturlash tillarini qo'llab quvvatlaydi. Python , jаvascript, TypeScript, Java, C#, C/C++, Go, Ruby, PHP, HTML/CSS, Bash/Shell kabi dasturlash tillari bilan ishlay oladi. Sun'iy intellekt ushbu dasturlash tillarida 0 dan kod yozib berishi mumkin yoki yozilgan kodlarni davom ettirishni taklif qilishi mumkin.

GitHub Copilotdan Samarali Foydalanish

Github Copilotdan to'g'ri foydalanishning usullari mavjud. Birinchi navbatda iloji boricha buyruqlarni ingliz tilida yozish muhim.Boshqa tillarda ham promptlar yozib kerakli kodlarni olish mumkin, lekin sun'iy intellekt kiritilgan so'rovni ingliz tiliga tarjima qilib javobni esa foydalanuvchiga taqdim etado. To'g'ridan to'g'ri ingliz tilida ma'lumot kiritish esa so'rov natijalarining sifatligiga ta'sir qiladi.



Eng ko'p so'raladigan savollar:

1. Github Copilotdan dasturlashni bilmasdan ham foydalanish mumkinmi ?

Ha, Github Copilot sun'iy intellektidan dasturlashni bilmasdan turib ham foydalanish mumkin, lekin dastur chiqarib bergan kodlarni tekshirish uchun dasturlash haqida tushunchalar bo'lish kerak.

2. Github Copilotdan 30 kun bepul foydalangandan so'ng obunani bekor qilish mumkinmi ?

30 kunlik bepul Github Copilot foydalanish uchun avval karta malumotlarini kiritish lozim. 30 kun muddatdan so'ng esa obunani bekor qilinsa hech qanday pul yechilmaydi, lekin muddat o'tib ketadigan bo'lsa, kartadan bir oylik tarif rejasi puli yechib olinadi.

MidJourney. Rassom va illyustratorlik

Yuqori sifatli foto, illyustratsiya va tasvirlarni yaratish uchun neyron tarmoq - MidJourney dasturidan foydalanish bo'yicha ko'rsatmalar.

Gamma App - Prezentatsiya yaratish

Gamma app haqida

Gamma app ni ishlatish tartibi

Gamma dasturidan kompyuterda foydalanish

Gammadan mobil telefonda foydalanish

Gamma app narxlari va bepul foydalaish

Gamma app tariflaridagi farq

Gamma applicationidan bepul foydalaish shartlari

HeyGen AI bilan video yaratish

Sifatli video uchun nima kerak? Qimmat kameralar, katta jamoami yoki Iphone’ning so’nggi modelimi? Adashasiz, sifatli video uchun qo’lingizdagi telefon yoki kompyuterning o’zi yetarli! Bunga yaqqol misollaridan biri — HeyGen. Bu platforma yordamida murakkab texnikalarsiz ham sifatli va chiroyli videolar yaratishingiz mumkin. Keling, bu platforma nima ekanini, qanday ishlashini va undagi barcha foydali imkoniyatlarni ko‘rib chiqamiz.

HeyGen nima?

HeyGen — bu sun’iy intellekt asosida ishlaydigan maxsus platforma. Uning yordami bilan bir necha bosqichda professional videolar yaratish mumkin. Eng qizig‘i, sizga kamera yoki maxsus dasturiy vositalar kerak emas. Faqatgina matn yozasiz va platforma matningiz asosida avatar, ovoz va animatsiyalardan foydalanib, video yaratib beradi.

HeyGen’ni yuklab olish va undan foydalanish

HeyGen sizdan o’ta murakkab o’rnatish qoidalarini talab qilmaydi. Bu dastur internetda to’g’ridan-to’g’ri ishlaydi, shuning uchun uni yuklab olish shartmas. HeyGen’dan foydalanish uchun quyidagi ketma-ketlikni bajarishingiz kerak:

1. Saytga kiring: https://www.heygen.com

2. Ro‘yxatdan o‘ting: Sizdan elektron pochta yoki Google akkaunti orqali ro‘yxatdan o‘tish so‘raladi.

3. Avataringizni tanlang: Platformada turli xil avatarlar mavjud. Shuningdek, o‘z suratlaringizni yuklab, shaxsiy avatar ham yaratishingiz mumkin.

4. Matnni kiriting: Yaratmoqchi bo‘lgan videongiz uchun kerakli matnni yozasiz. Masalan, mahsulotingiz, xizmatingiz haqida ma’lumot yoki o‘quv materiallari.

5. Videoni sozlang va yuklab oling: Animatsiyalarni sozlab, videoni tayyorlab, saqlab qo‘yasiz yoki ijtimoiy tarmoqlarga yuklaysiz. Shu bilan video tayyor!

HeyGen’ning imkoniyatlari va funksiyalari

HeyGen’da video yaratish uchun sizdan maxsus bilim yoki ko’nikmalar talab qilinmaydi. Chunki uning imkoniyatlari juda keng. Masalan:

1. AI avatarlar: Platformada 100 dan ortiq tayyor avatarlar bor. Shuningdek, o‘z suratlaringizni yuklab, o‘zingizga o‘xshash avatar yaratishingiz mumkin.

2. Ko‘plab tillar: HeyGen 175 dan ortiq tilda videolar yarata oladi. Masalan, ingliz, rus yoki o‘zbek tilida video yaratishingiz mumkin. Nutq intonatsiyasi, ovozning jinsini va ohangini tanlash imkoniyati ham bor.

3. Tayyor shablonlar: Platforma reklama, ta’lim materiallari, mahsulot “obzor”lari kabi turli mavzular uchun tayyor shablonlarni taqdim etadi.

4. Video tahrirlash: Videoga rang, matn, animatsiyalar va musiqa qo‘shish mumkin.

5. Integratsiya: Canva kabi boshqa dasturlar bilan birgalikda ishlash imkoniyati mavjud. Bu dizayn va tahrirlash jarayonini yanada osonlashtiradi.

HeyGen’ning afzalliklari

HeyGen’dan foydalanish sizga quyidagi qulayliklarni beradi:

• Tezlik: Oddiy videolarni bir necha daqiqada yaratish mumkin. Bu esa sizning anchagina vaqtingizni tejaydi.
• Qulay interfeys: Dastur juda tushunarli, hattoki, ilgari video “montaj” qilmagan inson ham bemalol tushunadi.
• Moslashuvchanlik: Hey’Gendan turli maqsadlarda foydalanish mumkin: reklama yaratish, mahsulotni tanishtirish, o’quv materiallarini tayyorlash.
• Ko’p tillarni qo’llab-quvvatlash: HeyGen’da dunyodagi deyarli barcha tillarda matnlarni ovozga aylantirish imkoniyati bor.

HeyGen’ning kamchiliklari

Albatta, boshqa texnologiyalar kabi HeyGen ham ideal emas. Uning ham bir qator kamchiliklari bor:

1. Qimmat narx: HeyGen’ning bepul versiyasi bor, ammo, undagi imkoniyatlar cheklangan. Barcha imkoniyatlardan foydalanish uchun esa pullik obuna kerak.
2. Real bo’lmagan natija: Ba’zan avatarlarning harakatlari va yuz ifodasi, ovozi real ko’rinmasligi mumkin.
3. Internetga qaramlik: HeyGen faqat onlayn rejimda ishlaydi. Agar internet tezligi past bo’lsa, bu ish jarayonini sekinlashtiradi.

HeyGen’ning narxlari

HeyGen platformasi foydalanuvchilarning ehtiyojlariga mos ravishda bir nechta tarif rejalari taklif etadi:

1. Bepul tarif: Ushbu reja orqali foydalanuvchilar platformaning asosiy funksiyalarini sinab ko‘rishlari mumkin. Biroq, bepul rejada ba'zi cheklovlar mavjud bo‘lib, barcha imkoniyatlardan to‘liq foydalanish uchun pullik rejaga o‘tish talab qilinadi.
2. Creator (Yaratuvchi) tarifi: Oyiga $24 (taxminan 290 000 so’m) dan boshlanadi. Ushbu reja ko‘proq kreditlar va qo‘shimcha funksiyalarni taqdim etadi, jumladan premium ovozlar, avtomatik subtitrlar va videolardan logotip belgisi (watermark)ni olib tashlash imkoniyati.
3. Team (Jamoa) tarifi: Oyiga $69 (taxminan 835 000 so’m) dan boshlanadi. Ushbu reja yangi bizneslar va jamoalar uchun mo‘ljallangan bo‘lib, API orqali kirish, 4K video sifati va brend kit kabi funksiyalarni o‘z ichiga oladi.
4. Enterprise (Korporativ) tarif: Ushbu tarif narxi maxsus kelishuv asosida belgilanadi. Katta tashkilotlar uchun mo‘ljallangan bo‘lib, cheksiz video yaratish hajmi, maxsus avatarlar va maxsus qo‘llab-quvvatlash kabi moslashtirilgan yechimlarni taklif etadi.

HeyGen kreditlar asosida ishlaydi, ya'ni har bir video yoki animatsiya yaratish uchun kreditlar sarflanadi. Foydalanilmagan kreditlar keyingi oyga o‘tmaydi. Platforma yillik to‘lov variantini ham taklif etadi, bu esa umumiy xarajatni taxminan 20% ga kamaytiradi.

To‘lov usullari sifatida kredit kartalari va PayPal qabul qilinadi. Foydalanuvchilar o‘z ehtiyojlariga qarab rejalarni yangilash yoki pasaytirishlari mumkin; yangilanishlar darhol kuchga kiradi, pasaytirishlar esa to’lov davri oxirida amalga oshiriladi.

Narxlar va rejalar haqida yanada batafsil ma'lumot olish uchun HeyGen’ning rasmiy veb-saytiga tashrif buyurishingizni tavsiya qilamiz.

*Eslatma: narxlar dollar kursi o’zgarishiga qarab farqlanishi mumkin

HeyGen API haqida

HeyGen’ning API (Application Programming Interface) orqali dasturchilar va kompaniyalar HeyGen funksiyalarini o'z ilovalari yoki veb-saytlariga integratsiya qilishlari mumkin.

HeyGen API imkoniyatlari:

1. Avatar Video API: Ushbu API yordamida foydalanuvchilar sun'iy intellekt asosida ishlaydigan avatarlar bilan videolar yaratishlari mumkin. Bu ayniqsa marketing materiallari yoki ta'limiy kontent uchun juda qulay.
2. Video Translation API: Mavjud videolarni boshqa tillarga tarjima qilishni istasangiz, ushbu API yordamida tez va aniq tarjima qilingan videolarni yaratishingiz mumkin.
3. Streaming API: Ushbu API orqali real vaqtda interaktiv avatarlarni ilovalaringizga qo'shishingiz mumkin. Masalan, virtual yordamchilar yoki trening jarayonlari uchun foydali.

HeyGen API narxlari:

HeyGen platformasi foydalanuvchilarga turli ehtiyojlarga mos keladigan bir nechta API tarif rejalarini taklif etadi. Quyida ularning narxlari keltirilgan:

1. Bepul reja: Har oyda 10 ta bepul kredit taqdim etiladi. Bu rejada logotip belgisi (watermark) mavjud bo‘ladi.
2. Pro reja: Oylik to‘lovi $99 (taxminan 1 200 000 so‘m). 100 kredit taqdim etiladi. Logotip belgisi(watermark) olib tashlanadi va qo‘shimcha funksiyalar mavjud.
3. Scale reja: Oylik to‘lovi $330 (taxminan 4 000 000 so‘m). 660 kredit taqdim etiladi. Pro rejadagi barcha imkoniyatlar va qo‘shimcha ravishda Video Translation API ham mavjud.
4. Enterprise reja: Narxi maxsus kelishuv asosida belgilanadi. Katta kompaniyalar uchun moslashtirilgan reja bo‘lib, narxi va imkoniyatlari bo‘yicha maxsus kelishuv talab qilinadi.

Kreditlar qanday ishlaydi:

• 1 kredit quyidagilarga teng:
  • 5 daqiqalik video yaratish (Foto avatarlar bilan)
  • 2 daqiqalik video yaratish (Video avatarlar bilan)
  • 10 daqiqalik interaktiv avatar streaming
• 1 kredit Video Translation API uchun 20 soniyalik video tarjimasiga teng.

*Eslatma: So‘mdagi narxlar kurs o‘zgarishiga qarab farqlanishi mumkin.

HeyGen kimlar uchun foydali bo’lishi mumkin?

Ushbu zamonaviy texnologiya turli kasb vakillari uchun beminnat dastyorga aylanishi mumkin. Jumladan:

1. Biznes egalari:
   • Mahsulot yoki xizmatlarni targ‘ib qilish uchun videolar yaratish.
   • Raqamli marketing uchun qisqa reklama roliklarini tayyorlash.
   • Mijozlar bilan interaktiv aloqa o‘rnatish.
2. Marketing mutaxassislari:
   • Ijtimoiy tarmoqlar uchun kreativ va sifatli kontent yaratish.
   • Reklama kampaniyalari uchun qisqa va mazmunli videolar tayyorlash.
3. O‘qituvchilar va ta’lim markazlari:
   • Darsliklar va murakkab mavzularni tushuntiruvchi videolar tayyorlash.
   • Talabalar uchun vizual ta’lim materiallarini yaratish.
4. Katta kompaniyalar:
   • Ichki trening va xodimlarni o‘rgatish jarayonida foydalanish.
   • Korporativ voqealar yoki yangiliklarni video formatda taqdim etish.
5. Bloggerlar va kontent yaratuvchilar:
   • Ijtimoiy tarmoqlar uchun qiziqarli va sifatli kontent yaratish.
   • Kichik vaqt sarflab ham sifatli videolar bilan auditoriyani o‘ziga jalb qilish.
6. Sayohat va xizmat ko‘rsatish sohalari:
   • Mehmonxonalar, turistik agentliklar va restoranlar uchun reklama videolari tayyorlash.
   • Mijozlarga xizmatlarni qisqa va chiroyli video orqali tushuntirish.
7. Startaplar va kichik biznes:
   • O‘z mahsulotlari yoki xizmatlarini tanishtirish uchun arzon va samarali yechim.

Nima uchun HeyGen’ni tanlash kerak?

• Oddiy va qulay: Videolarni yaratish uchun maxsus bilim yoki tajriba talab qilinmaydi.
• Professional natija: Tayyor video yuqori sifatli bo‘lib, professional montaj qilingan videolardan qolishmaydi.
• Moslashuvchan: Har qanday soha yoki maqsad uchun mos.
• Tejamkorlik: Qimmat xizmatlarni yollash o‘rniga o‘zingiz sifatli videolar yaratishingiz mumkin.

HeyGen’dan foydalanish, kim bo‘lishingizdan qat’i nazar, sizga o‘zingizni yoki biznesingizni yangicha va zamonaviy uslubda taqdim etish imkonini beradi. U sizning reklama kampaniyalaringizni jonlantirishi, mahsulotlaringizni ommaga tushunarli tarzda taqdim etishingiz yoki o‘quv materiallaringizni qiziqarli qilishingiz uchun juda mos keladi. Agar siz video yaratishda vaqt tejashni istasangiz va sifatli natijaga ega bo‘lishni xohlasangiz, HeyGen aynan siz uchun.

HeyGen’dan foydalanib, o‘zingizni qiziqtirgan videoni yaratish jarayonini ko'rishni istasangiz, quyidagi videoni tomosha qilishingizni tavsiya qilamiz:

Platformaning to’liq imkoniyatlari, narxlariga beriladigan chegirma va bonuslar haqida yanada batafsil ma'lumot olish uchun HeyGen’ning rasmiy veb-saytiga tashrif buyurishingizni tavsiya qilamiz.

Rasmiy sayt havolasi: HeyGen