Ushbu axborot texnologiyalari bo‘yicha kurslarda ta’lim berish xizmatlarini ko‘rsatish to‘g‘risidagi ommaviy oferta matni («Oferta» va/yoki «Shartnoma») Oferta Aksepti davrida amalda bo‘ladi va «Sensorika» o‘quv markazi  tomonidan https://sensorika.uz («Sayt») saytida yangi tahrirni joylashtirish yo‘li bilan bir tomonlama tartibda o‘zgartirilishi mumkin.

«Sensorika» o‘quv markazi potensial Tinglovchilarga axborot texnologiyalari bo‘yicha kurslarda o‘qitish xizmatlarini ko‘rsatish yuzasidan Ma’muriyatning taklifi bilan tanishishni va O‘zbekiston Respublikasi Fuqarolik kodeksining 365, 366, 367, 370-moddalari, O‘zbekiston Respublikasining «Ta’lim to‘g‘risida»gi Qonuni hamda O‘zbekiston Respublikasining «Iste’molchilar huquqlarini himoya qilish to‘g‘risida»gi Qonuniga muvofiq quyidagi shartlarda ushbu Shartnomani tuzishni taklif etadi.

1. OFERTANING UMUMIY QOIDALARI VA SHARTNOMA TERMINOLOGIYASI

1.1. Ushbu Ofertada quyidagi terminologiyadan foydalaniladi:

Oferta — bu ushbu Shartnomani tuzish bo‘yicha taklifdir. Shartnomaning o‘zi Ofertani so‘zsiz qabul qilish (uni akseptlash) yo‘li bilan tuziladi.

Ofertani aksept qilish - 1.5-bandda ko‘rsatilgan harakatlarni amalga oshirish yo‘li bilan Ofertani to‘liq va hech qanday shartsiz qabul qilishdir. Ofertani aksept qilish Shartnomani tuzishni anglatadi.

Ma’muriyat / O‘quv markazi — «Sensorika» mas’uliyati cheklangan jamiyati,  INN: 301 406 204, yuridik manzil: 210100, Navoiy sh., I.Karimov ko‘ch., 90A-uy.

Foydalanuvchi / Buyurtmachi / Tinglovchi — Shartnomani aksept qilish maqsadisiz, biroq u bilan tanishish uchun Sayt sahifasiga o‘tgan jismoniy shaxs («Foydalanuvchi»), keyinchalik Shartnoma shartlariga muvofiq Akseptni amalga oshirib («Buyurtmachi»), O‘quv markazi xizmatini olishni istovchi va Shartnoma bo‘yicha xizmatlarni amalda oluvchi («Tinglovchi»). Tinglovchi Buyurtmachi bo‘lishi mumkin.

Testlash — Axborot texnologiyalari sohasidagi bilimlar bo‘yicha Tinglovchining ta’lim darajasini aniqlashga qaratilgan bepul jarayon.

Kurs — Buyurtmachi tomonidan tanlangan va u tomonidan O‘quv markazi bilan kelishilgan, belgilangan maksimal miqdordagi muayyan formatlardagi mashg‘ulotlar bilan, o‘qitish paytida amal qilgan chegirma (mavjud bo‘lsa) hisobga olingan holda amaldagi narxda, Buyurtmachi olishni xohlaydigan va to‘lash niyatida bo‘lgan, O‘quv markazi esa taqdim etishga tayyor bo‘lgan, ma’lum vaqt davrida O‘quv markazining metodikasi bo‘yicha axborot texnologiyalariga o‘qitish muddati hisoblanadi.

Tomonlar / Tomon — keyingi o‘rinlarda Shartnomada Administratsiya / O‘quv markazi va Foydalanuvchi / Buyurtmachi / Tinglovchi deb alohida yoki birgalikda nomlanadi.

Sayt — https://sensorika.uz domen nomi (manzili, domeni) ostida Internet axborot-telekommunikatsiya tarmog‘ida joylashgan O‘quv markazining veb-sayti, shuningdek uning tarkibiga kiruvchi veb-sahifalar.

1.2. Ushbu Shartnomada mazkur bo‘limda ko‘rsatilmagan atamalar qo‘llanilishi mumkin. Bunday holda, atamaning talqini Shartnoma matniga muvofiq amalga oshiriladi. Agar matnda atamani bir ma’noda talqin qilish imkoni bo‘lmasa, tomonlar atamani talqin qilishda birinchi navbatda Saytda belgilangan talqinga, so‘ngra O‘zbekiston Respublikasi qonunchiligiga muvofiq talqinga amal qiladilar.

1.3. Ushbu Shartnoma O‘zbekiston Respublikasi qonunchiligiga muvofiq ommaviy oferta hisoblanadi.

1.4. Ofertaga Akseptni amalga oshirgan shaxs O‘quv markazi tomonidan taqdim etiladigan xizmatlarga nisbatan Buyurtmachining barcha huquq va majburiyatlarini oladi.

1.5. Ofertaning to‘liq va so‘zsiz Aksepti ushbu Ofertada ko‘rsatilgan shartlarni bajarish bo‘yicha har qanday harakatlar, shu jumladan:

• xizmatlar uchun Buyurtmachi tomonidan to‘lov;
• Buyurtmachi/Tinglovchi tomonidan O‘quv markaziga o‘z shaxsiy ma’lumotlarini taqdim etish (FISh, tug‘ilgan sana, telefon raqami);
• shuningdek Buyurtmachining O‘quv markazi xizmatlaridan foydalanish niyatlarini tasdiqlovchi boshqa harakatlar.

1.6. Ushbu Ofertani Aksept qilishdan oldin Foydalanuvchi / Buyurtmachi / Tinglovchi quyidagilarni tasdiqlaydi:

• Shartnomaning har bir bandini diqqat bilan o‘rganganini, tushunganini va hech qanday izohlarsiz qabul qilganini;
• Sayt mazmuni, Ma’muriyat bilan o‘zaro hamkorlik qilish usullari bilan tanishganini;
• o‘zining xohish irodasi bilan va majburlashsiz, Shartnomani imzoladi (akseptladi);
• O‘zbekiston Respublikasi Fuqarolik kodeksining 27-moddasiga muvofiq huquq layoqati, muomala layoqati, yoshga yetganligini, shuningdek ro‘yxatdan o‘tkazish kimning nomiga amalga oshirilgan bo‘lsa, o‘sha shaxs nomidan shartnomaviy munosabatlarga kirishishning qonuniy huquqini tasdiqlaydi. Agar xizmat foydalanuvchisi voyaga yetmagan shaxs bo‘lsa, Buyurtmachi ota-ona (vasiy, homiy, voyaga yetmagan shaxsning qonuniy vakili hisoblangan boshqa jismoniy shaxs) bo‘lishi mumkin.

1.7. Saytdan foydalangan holda, Foydalanuvchi Ofertaga roziligini tasdiqlaydi va Ma’muriyat bilan ro‘yxatdan o‘tish bilan bog‘liq har qanday turdagi o‘zaro hamkorlikda shaxsiy ma’lumotlarni qayta ishlashga roziligini bildiradi.

1.8. Shartnoma uni Aksept qilgan paytdan boshlab kuchga kiradi va Tomonlar o‘z majburiyatlarini bajarguniga qadar amal qiladi.

2. SHARTNOMA PREDMETI

2.1. Mazkur Shartnoma asosida O‘quv markazi Tinglovchiga Testdan so‘ng Buyurtmachi tomonidan O‘quv markazi bilan kelishilgan holda tanlangan kurs asosida, Saytda e’lon qilingan preyskurantga muvofiq axborot texnologiyalari bo‘yicha o‘qitish xizmatlarini taqdim etadi, Buyurtmachi esa ko‘rsatilgan xizmatlar uchun Shartnoma shartlariga muvofiq to‘lovni amalga oshiradi.

2.2. Ta’lim formati – Kurs Ma’muriyati tomonidan taqdim etiladigan formatga bog‘liq bo‘ladi.

2.3. Ushbu Shartnoma Ma’muriyat tomonidan Tinglovchini xabardor qilgan holda yoki, xabardor qilmasdan ham bir tomonlama tartibda o‘zgartirilishi mumkin. Xabardor qilish, odatda, Saytda tegishli axborot xabari orqali amalga oshiriladi. Yangi tahrir, agar boshqacha tartib bevosita ko‘rsatilmagan bo‘lsa, Saytda joylashtirilgan paytdan e’tiboran kuchga kiradi.

2.4.Shartnomaning amaldagi tahriri bilan muntazam tanishib borish Buyurtmachi/Foydalanuvchi/Tinglovchining majburiyati hisoblanadi. Sayt va Mobil ilovadan foydalanish hamda Shartnomaning yangi tahriri kuchga kirganidan keyin xizmatlarni olishni davom ettirish Buyurtmachi/Foydalanuvchi/Tinglovchining ushbu tahrirga roziligini va unga yangi tahrir qoidalarining to‘liq hajmda qo‘llanilishini anglatadi.

3. TOMONLARNING HUQUQLARI VA MAJBURIYATLARI

3.1. O‘quv markazi quyidagilarga majbur:

3.1.1. Shartnoma, shuningdek, to‘langan Kursda nazarda tutilgan o‘z majburiyatlarini bajarish.

3.1.2. Ushbu Ofertaning 4.1-bandida ko‘rsatilgan cheklovlarga muvofiq, to‘langan Kurs doirasida bir oy davomida mashg‘ulotlar o‘tkazish.

3.1.3. Har bir mashg‘ulotni 120 daqiqa davomida o‘tkazish.

3.1.4. Tinglovchini o‘quv materiallari bilan ta’minlash, bunda ta’minlash deganda o‘quv materiallarini (to‘liq to‘lov amalga oshirilganidan keyin 10 (o‘n) kalendar kun ichida) elektron yoki boshqa ko‘rinishda taqdim etish tushuniladi.

3.1.5. Testdan so‘ng Tinglovchini tegishli darajalardagi guruhlarga taqsimlash.

3.1.6. O‘quv markazi mashg‘ulotlarni faqat o‘zbek tilida o‘tkazadi va boshqa tillarni erkin biladigan o‘qituvchilarni taqdim etish majburiyatini olmaydi.

3.2. O‘quv markazi quyidagi huquqlarga ega:

3.2.1. Tinglovchining majburiyatlarini bajarishi bo‘yicha doimiy monitoringni amalga oshirish.

3.2.2. Buyurtmachi tomonidan ta’lim uchun to‘lov o‘z vaqtida amalga oshirilmagan taqdirda Tinglovchining mashg‘ulotlarga, shu jumladan O‘quv markazi hududiga kirishiga cheklov qo‘yish.

3.2.3. Tinglovchi tomonidan uy vazifasi bir marta yoki oyiga bir martadan ko‘p bajarilmagan taqdirda, xabardor qilingandan so‘ng xizmatlar ko‘rsatishni to‘xtatish va Tinglovchining mashg‘ulotlarga kirish imkoniyatini cheklash. Bunda, oldin to‘langan summa qaytarilmaydi yoki muzlatilmaydi hamda keyingi oyga o‘tkazilmaydi.

3.2.4. Tinglovchi mashg‘ulotni uch marta yoki oyiga uch martadan ortiq qoldirgan taqdirda, Buyurtmachini xabardor qilgandan so‘ng Tinglovchiga xizmatlar ko‘rsatishni to‘xtatish. Bunda, avval to‘langan summa qaytarib berilmaydi yoki muzlatilmaydi va keyingi oyga o‘tkazilmaydi.

Bunday hollarda O‘quv markazi istisno tariqasida Tinglovchiga darajasi bo‘yicha mos bo‘lgan boshqa guruhda o‘qishni davom ettirish imkoniyatini taqdim etishi mumkin, biroq kafolat bermaydi.

3.2.5. Tinglovchining iltimosiga binoan o‘qituvchini o‘zgartirmaslik.

3.2.6. Oraliq imtihondan o‘tmagan Tinglovchiga xizmatlar ko‘rsatishni to‘xtatish, shuningdek boshqa guruhga o‘tkazmaslik, joriy oy uchun Kurs bo‘yicha oldindan to‘langan summani qaytarmaslik va muzlatmaslik huquqini o‘zida saqlab qolish.

3.2.7. Tasdiqlangan mashg‘ulotlar jadvaliga, taqdim etiladigan ta’lim xizmatlari sonini kamaytirmagan holda o‘zgartirishlar kiritish.

3.2.8. Mashg‘ulotlarni qoldirgan taqdirda Tinglovchining Kurs bo‘yicha to‘langan mablag‘larini uchinchi shaxsga o‘tkazish bo‘yicha tranzaksiyalarni amalga oshirmaslik.

3.2.9. Tinglovchini ogohlantirgan holda, o‘qitishning istalgan bosqichida o‘qituvchini almashtirishni amalga oshirish, bunda o‘quv uchun avval to‘langan summani qaytarmaslik, keyingi oyga ko‘chirmaslik, boshqa guruhlarga o‘tkazmaslik huquqini o‘zida saqlab qolish.

3.2.10. Testlardan o‘tmagan tinglovchilarga xizmatlar ko‘rsatishni rad etish.

3.2.11. O‘qitishning istalgan bosqichida, shu jumladan Tinglovchining o‘z xohishiga ko‘ra, Tinglovchi ta’lim olayotgan guruhni almashtirish. Bunda, avval to‘langan summa qaytarilmaydi va keyingi oyga o‘tkazilmaydi, biroq O‘quv markazining ixtiyoriga ko‘ra muzlatib qo‘yilishi mumkin.

3.2.12. Agar O‘quv markazi joylashgan manzilda elektr stansiyasidagi avariya va boshqa texnik nosozliklar natijasida elektr energiyasi o‘chirilsa, biroq shu bilan birga mashg‘ulotlar o‘tkazilsa, unda to‘langan summa qaytarilmaydi va muzlatilmaydi.

3.2.13. O‘qitish narxlarini istalgan vaqtda o‘zgartirish. Bunda O‘quv markazi oyning o‘rtasida yangi prays-list bo‘yicha to‘lovni talab qilish huquqiga ega emas. Yangi narxlar bo‘yicha to‘lov keyingi oyning boshidan kuchga kiradi.

3.3. Tinglovchi/Buyurtmachi quyidagilarga majbur:

3.3.1. Aksept amalga oshirilgunga va to‘lov kiritilgunga qadar, Saytda joylashtirilgan mazkur Oferta mazmuni va shartlari, O‘quv markazi xizmatlarining qiymati bilan tanishib chiqish.

3.3.2. Mashg‘ulotlarni qoldirmaslik va har bir mashg‘ulot boshlanishidan oldin uy vazifasi bo‘yicha 80% va undan yuqori darajada tayyorlanish.

3.3.3. Shaxsan va vijdonan Kursning o‘quv rejasini to‘liq hajmda o‘zlashtirish.

3.3.4. Kursni o‘zlashtirish jarayonida topshiriqlarni vijdonan bajarish.

3.3.5. O‘quv markazi tomonidan taqdim etilgan o‘quv-uslubiy materiallarni uchinchi shaxslarga bermaslik.

3.3.6. Texnik va boshqa o‘quv vositalariga, uskunalarga, inventarga va O‘quv markazining boshqa mol-mulkiga ehtiyotkorona munosabatda bo‘lish.

3.3.7. Har oyining 3-sanasigacha o‘qish uchun to‘lovni amalga oshirish. Agar Tinglovchi/Buyurtmachi joriy oy uchun to‘lovni amalga oshirmagan holda o‘qishni rad etsa, (agar u yangi oy boshlanishidan oldin Ma’muriyatni ogohlantirmagan bo‘lsa), u O‘quv markaziga yetkazilgan zararlarni 1 (bir) oy uchun xizmatlar to‘lovi miqdorida qoplash majburiyatini oladi. Bu O‘quv markazining moliyaviy imkoniyatlarini yo‘qotishi bilan bog‘liq, chunki o‘quv markazi joriy oyga ushbu talaba uchun bitta o‘rinni band qilgan va moliyaviy yo‘qotishlar bilan bog‘liq. Bunda, o‘qishni to‘xtatish to‘g‘risidagi qaror haqida o‘tgan oyning oxirigacha Ma’muriyatni yozma ravishda xabardor qilgan hollarda Tinglovchi/Buyurtmachiga ko‘rsatilgan zararlarni qoplash bo‘yicha majburiyat yuklatilmaydi.

3.3.8. O‘quv markazi hududida xulq-atvor qoidalariga rioya qilish, xususan quyidagilar taqiqlanadi: baqirish, shovqin qilish, chekish, o‘zi bilan ovqat olib kelish, mushtlashuvda ishtirok etish, boshqa Tinglovchilar va O‘quv markazi xodimlariga nisbatan kamsitish yoki tegajog‘likni namoyon etish, qo‘pollik qilish va so‘kinish, o‘zi bilan qurol olib yurish, va bezorilikni tavsiflovchi boshqa harakatlar. Bular O‘quv markazidan chetlashtirish, Shartnomani bekor qilish, hamda o‘qish uchun amalga oshirilgan to‘lovlarning kuyishiga asos bo‘lishi mumkin.

3.3.9. Tinglovchiga mashg‘ulotlar davomida chalg‘ish va boshqa tinglovchilarni chalg‘itish (telefon, quloqchinlar va h.k. dan foydalanish) taqiqlanadi.

3.3.10. Administratsiyadan tashqari, o‘quv markazi xodimlari bilan shaxsiy aloqaga chiqmaslik, O‘quv markazi xodimlarining kontakt ma’lumotlarini ulashmaslik.

3.3.11. Shartnoma, shuningdek to‘langan Kursda nazarda tutilgan boshqa majburiyatlarni bajarish.

3.4. Tinglovchi / Buyurtmachi quyidagi huquqlarga ega:

3.4.1. O‘quv markazi va o‘qitishga taalluqli masalalar bo‘yicha O‘quv markazi xodimiga murojaat qilish.

3.4.2. Bilimlar, ko‘nikmalar va malakalarning baholanishi, shuningdek ushbu baholash mezonlari to‘g‘risida to‘liq va ishonchli axborot olish.

3.4.3. O‘quv markazining o‘quv jarayonini amalga oshirish uchun zarur bo‘lgan mol-mulkidan jadvalda nazarda tutilgan mashg‘ulotlar vaqtida, o‘qituvchi nazoratida foydalanish.

3.4.4. Bir oy davomida, o‘z majburiyatlariga rioya qilgan holda, 4.1-banddagi cheklovlarga muvofiq mashg‘ulotlarga qatnashish.

4. XIZMATLARNI KO‘RSATISH TARTIBI

4.1. O‘zbekiston Respublikasida nishonlanadigan bayram kunlari (jumladan, davlat saylovlari, xalq bayramlari, ommaviy tadbirlar) bilan mashg‘ulot kunlari to‘g‘ri kelgan taqdirda va binoga kirish cheklangan taqdirda, mashg‘ulotlar bekor qilinadi va boshqa kunga ko‘chirilmaydi, to‘langan summa keyingi oyga o‘tmaydi hamda qaytarib berilmaydi yoki muzlatib qo‘yilmaydi. Bunda, O‘quv markazi o‘tkazilmagan mashg‘ulot o‘rniga istalgan boshqa kunda qo‘shimcha mashg‘ulot o‘tkazish huquqini o‘zida saqlab qoladi.

4.2. Shartnomaning 3.3-bandida ko‘rsatilgan majburiyatlar bajarilmagan taqdirda, Tinglovchi O‘quv markazidan chetlashtiriladi va ko‘rilgan zararlarni qoplashgacha bo‘lgan javobgarlikni o‘z zimmasiga oladi, shuningdek, to‘langan summa keyingi oyga o‘tkazilmaydi hamda qaytarilmaydi yoki muzlatilmaydi.

4.3. O‘quv markazi Tinglovchi/Buyurtmachining ko‘rsatilgan xizmatning uning kutishlariga nomuvofiqligi va/yoki uning subyektiv bahosi uchun javobgarlikni o‘z zimmasiga olmaydi, bunday kutishlarga nomuvofiqlik va/yoki salbiy subyektiv baho to‘langan pul mablag‘larini qaytarish yoki muzlatish uchun asos bo‘lib hisoblanmaydi.

4.4. O‘quv markazi xizmatlarni faqat axborot texnologiyalariga o‘qitish bo‘yicha ko‘rsatadi, oliy ta’lim muassasalariga qabul qilinishini kafolatlamaydi, mazkur masala bo‘yicha taqdim etiladigan yordam esa faqat axborot xususiyatiga ega bo‘lib, o‘qish narxiga kiritilmagan.

4.5. Tinglovchining aybi bilan mashg‘ulotlar qoldirilgan taqdirda va Shartnomaning 4.1 va 3.2.11-bandlarida nazarda tutilgan hollarda, qoldirilgan mashg‘ulotlar va ularning qiymati kompensatsiya qilinmaydi.

4.6. Agar Tinglovchi (o‘qish boshlanishidan oldin yoki o‘qish jarayonida) hurmatli yoki hurmatsiz sabablarga ko‘ra, o‘z xohishiga binoan, o‘qishni vaqtincha yoki to‘liq to‘xtatishga qaror qilsa, Ma’muriyatni oldindan xabardor qilgan taqdirda ham, to‘langan summa qaytarilmaydi. O‘quv markazi 2 (ikki) oydan ortiq bo‘lmagan muddatga to‘lovni «muzlatib qo‘yish» imkoniyatini taqdim etish huquqiga ega, biroq bunga majbur emas. Muzlatib qo‘yish administrator yoki kol-markaz operatorini telefon orqali shaxsan xabardor qilgan paytdan boshlab 2 (ikki) kundan so‘ng amalga oshiriladi. Bunda, «muzlatilgan» to‘lov faqat Tinglovchining o‘zi tomonidan shaxsan, muzlatilgan paytdan boshlab 2 (ikki) oy davomida keyingi o‘qish uchun ishlatilishi mumkin. «Muzlatilgan» to‘lov uchinchi shaxslarga (shu jumladan do‘stlar, qarindoshlar) o‘tmaydi. «Muzlatib qo‘yish» tushunchasi pul mablag‘larini qaytarishni anglatmaydi va muzlatib qo‘yilgan kundan boshlab 2 (ikki) oydan so‘ng bekor bo‘ladi.

4.7. Agar Tinglovchi o‘qishni to‘xtatish haqida joriy (to‘langan) oyning oxirigacha yozma ravishda O‘quv markazini ogohlantirmagan bo‘lsa, keyingi oyning barcha mashg‘ulotlari uchun to‘lov to‘liq undiriladi.

4.8. Imtihondan o‘ta olmagan taqdirda, to‘langan summa keyingi oyga o‘tmaydi va qaytarib berilmaydi hamda muzlatilmaydi, Tinglovchi esa yangi oy boshlanguniga qadar o‘z guruhida o‘qishni davom ettirishi shart. Bunda o‘quv markazi talabaning imtihon natijalari yoki o‘qish jarayonidagi kundalik bilim olish darajasidan kelib chiqib, unga boshqa guruhda o‘qishni taklif qilish huquqini o‘zida saqlab qoladi, biroq bunga majbur emas.

4.9. Agar O‘quv markazi o‘z faoliyatini vaqtincha yoki to‘liq to‘xtatsa, unda qolgan mashg‘ulotlar O‘quv markazi tomonidan 6 (olti) oy davomida qoplanadi.

4.10. O‘quv markazi mashg‘ulotda o‘zini tutish qoidalari buzilgan taqdirda, xususan Tinglovchining mojarolarni qo‘zg‘atish sifatida qabul qilinishi mumkin bo‘lgan harakatlari, boshqa Tinglovchilarni mashg‘ulotlar mavzusidan chalg‘itishi, so‘kinish, o‘qituvchilarga va boshqa Tinglovchilarga nisbatan hurmatsizlik ko‘rsatishi, ularni haqorat qilishi, shuningdek qo‘pol muomala va Tinglovchining boshqa noqonuniy harakatlarni sodir etgan hollarda, pul mablag‘larini qaytarmasdan Tinglovchiga xizmatlar ko‘rsatishni to‘xtatib turish huquqini o‘zida saqlab qoladi.

4.11. Kurs to‘liq yakunlanguniga qadar Tinglovchi ta’limning boshqa bosqichiga (yangi darajaga) o‘ta olmaydi.

4.12. Guruh samaradorligi pasaygan taqdirda yoki bitta guruhdagi o‘quvchilar soni kamaygan taqdirda, O‘quv markazi guruhni tarqatib yuborish va boshqa shunga o‘xshash guruhda o‘qishni davom ettirish imkoniyatini taqdim etish huquqini o‘zida saqlab qoladi. Bunda to‘lov qaytarilmaydi. Shartnoma bo‘yicha o‘z zimmasiga olgan majburiyatlarini bajarish maqsadida, O‘quv markazi Tinglovchiga Tinglovchining ixtiyoriga ko‘ra boshqa mos Kursni tanlash uchun o‘qishni 2 (ikki) oygacha muzlatib qo‘yish imkoniyatini taqdim etadi.

4.13. Xizmatlar yakunlangandan so‘ng, ko‘rsatilgan xizmatlar to‘g‘risidagi dalolatnoma rasmiylashtirilmaydi va imzolanmaydi. Bajarilgan ishlarni qabul qilish dalolatnomalarni imzolamasdan amalga oshiriladi. Xizmatlar oxirgi to‘langan mashg‘ulot tugaganidan keyin 10 (o‘n) kalendar kun ichida tegishli tarzda ko‘rsatilgan va Buyurtmachi/Tinglovchi tomonidan to‘liq hajmda qabul qilingan deb hisoblanadi.

5. TO‘LOV TARTIBI VA SHARTLARI

5.1. Xizmat (Kurs) narxi O‘zbekiston Respublikasi milliy valyutasi — so‘mda belgilanadi.

5.2. Kurs uchun to‘lov faqat jismoniy shaxslar tomonidan — naqd pulda yoki plastik kartalar va to‘lov servislaridan foydalanilgan holda amalga oshirilishi mumkin. O‘quv markazi yuridik shaxslar (jumladan tashkilotlar va kompaniyalar) bilan to‘lov bo‘yicha shartnoma tuzmaslik huquqiga ega. Ushbu shart quyidagilarga asosan belgilangan:

• O‘zbekiston Respublikasi Fuqarolik kodeksining 353-moddasi (shartnoma erkinligi, shu jumladan shartnoma shartlarini tanlashdagi erkinlik),
• O‘zbekiston Respublikasi Fuqarolik kodeksining 354-moddasi (shartnoma shartlarining majburiyligi),
• O‘zbekiston Respublikasi Fuqarolik kodeksining 367-moddasi (ommaviy oferta)
• va O‘zbekiston Respublikasi Fuqarolik kodeksining 370-moddasi (ofertani akseptlash yo‘li bilan tuziladigan shartnoma).

5.3. Xizmat (Kurs) qiymati O‘quv markazining preyskurantiga muvofiq belgilanadi.

5.4. O‘qish uchun oylik to‘lov har bir oyning 3-ish kunigacha taqdim etilishi kerak.

6. FORS-MAJOR

6.1. Tomonlarning hech biri boshqa Tomon oldida Shartnoma bo‘yicha majburiyatlarni bajarmaganligi yoki lozim darajada bajarmaganligi uchun, yengib bo‘lmas kuch holatlari, ya’ni mazkur sharoitlarda favqulodda va oldini olib bo‘lmaydigan holatlar ta’siri bilan shartlangan bo‘lsa, javobgar bo‘lmaydi. Jumladan e’lon qilingan yoki amaldagi urush, fuqarolik tartibsizliklari, epidemiyalar, karantin cheklovlari, blokadalar, embargo, yong‘inlar, zilzilalar, toshqinlar yoki boshqa tabiiy ofatlar, uyali va/yoki internet aloqa nosozliklari, Saytdagi texnik nosozliklar, shuningdek O‘zbekiston Respublikasi hududida davlat hokimiyati organlari tomonidan chiqarilgan hujjatlarda majburiyatlarni bajarishga to‘sqinlik qiladigan yoki bunday bajarishni imkonsiz qiladigan holatlar va Tomonlar oldindan ko‘ra olmagan yoki oldini ola olmagan holatlar.

6.2. Agar ko‘rsatilgan holatlar Shartnomada belgilangan muddatda majburiyatlarning bajarilishiga bevosita ta’sir ko‘rsatgan bo‘lsa, u holda ushbu muddat Kurs uchun tegishli holatlar amal qilgan vaqtga muzlatib qo‘yilishi lozim.

6.3. Fors-major holatlar yuzaga kelganda, Ma’muriyat Saytda yuzaga kelgan holat bo’yicha e’lon qiladi.

6.4. Fors-major holatlarning yuzaga kelganligi haqida o‘z vaqtida xabardor qilmaslik Tomonni ushbu Shartnoma bo‘yicha javobgarlikdan ozod etish uchun asos sifatida ko‘rsatilgan holatlarga tayanish huquqidan mahrum qiladi.

7. NIZOLARNI HAL QILISH TARTIBI

7.1. Shartnomani tuzish, talqin qilish, bajarish, o‘zgartirish va bekor qilish bilan bog‘liq barcha nizolar Tomonlar tomonidan tinch muzokaralar yo‘li bilan hal etiladi.

7.2. Tomonlar o‘rtasidagi tartibga solinmagan nizolar Ma’muriyat joylashgan joydagi sudda hal etilishi lozim.

8. YAKUNIY QOIDALAR

8.1. Kurs uchun birinchi to‘lov kiritilganidan keyin 3 (uch) kalendar kuni ichida Buyurtmachi/Tinglovchi uning/uning shaxsini tasdiqlovchi skanerlangan hujjatni (pasport yoki tug‘ilganlik to‘g‘risidagi guvohnoma) elektron pochta orqali O‘quv markaziga info@sensorika.uz manziliga yuborishi shart. Xuddi shu elektron xatda Buyurtmachi/Tinglovchi o‘zining shaxsiy ma’lumotlarini, xususan: F.I.Sh., tug‘ilgan sanasi, mobil telefon raqamini ko‘rsatishi shart. Bundan tashqari, Ma’muriyat O‘quv markazi Tinglovchisi tomonidan mashg‘ulotlarga tashrif buyurishda kirishni ta’minlash maqsadida har bir Tinglovchini fotosuratga olish huquqiga ega.

8.2. O‘quv markazi ro‘yxatdan o‘tish chog‘ida Tinglovchi tomonidan taqdim etilgan axborotning mazmuni va ishonchliligi uchun, shu jumladan Tinglovchi/ Buyurtmachi tomonidan Shartnomaning 3.3.8-bandlari buzilishi va Ma’muriyat/O‘quv markazi aybi bilan sodir bo‘lmagan boshqa holatlar uchun javobgarlikni o‘z zimmasiga olmaydi.

8.3. Buyurtmachi/Tinglovchi ro‘yxatdan o‘tish vaqtida taqdim etilgan ma’lumotlarning ishonchliligi uchun javobgarlikni o‘z zimmasiga oladi.

8.4. Tomonlar mazkur Shartnoma shartlarini bajarishga to‘sqinlik qilayotgan qiyinchiliklar to‘g‘risida zarur choralarni o‘z vaqtida ko‘rish uchun bir-birini darhol xabardor qilish majburiyatini oladilar.

8.5. Tomonlar ushbu Shartnomani bajarish jarayonida ularga ma’lum bo‘lgan, qonun bilan qo‘riqlanadigan sir maqomiga ega (shu jumladan Ma’muriyatning tijorat siri), har qanday axborotga nisbatan maxfiylikka rioya etilishini kafolatlaydilar.

9. O‘QUV MARKAZINING BANK REKVIZITLARI

MChJ «Sensorika»

H/r: 2020 8000 8048 1667 7001 

«Hamkorbank» ATB Navoiy sh. filiali, 

MFO: 00083;

Tel.: +998-78-770-30-30