Saloxiddinning yutuqlari!
Mening ismim Saloxiddin, yoshim endigina 12 da. Biroq, men allaqachon o'z kelajagimni aniq tasavvur qilganman. 2023 yil hayotimdagi eng muhim burilish nuqtalaridan biri bo'ldi. Aynan shu yili men “Sensorika IT” o‘quv markazida "Kompyuter savodxonligi" kursiga qatnashishni boshladim.
Bu kurs menga nafaqat kompyuter bilan ishlashni, balki zamonaviy texnologiyalar olamiga ilk qadamlarni qo‘yishni o‘rgatdi. Word, Excel, PowerPoint, Canva dasturlarida ishlashni puxta o‘zlashtirdim. Endi esa nafaqat hujjatlar tayyorlash, balki taqdimotlar, grafik dizayn hamda ma'lumotlarni tahlil qilishni bemalol uddalay olaman.
Biroq men bu bilan to‘xtab qolmadim. Ustozlarimning qo‘llab-quvvatlashi bilan Kwork va Upwork kabi freelance platformalarida ro‘yxatdan o‘tishni, profilimni to‘ldirishni va hatto buyurtmalar olishni o‘rgandim. Bu esa menga nafaqat bilim, balki haqiqiy amaliy tajriba ham berdi.
Har doim dasturlashga qiziqishim baland edi. Ustozlarim menga bu sohaning naqadar keng va chuqur ekanligini tushuntirishdi. Men boshlang‘ich Web dasturlash va Frontend yo‘nalishlarini o‘rganishga kirishdim. Kurs davomida ustozlarim bilan birgalikda loyihalar yaratdik va ularni internetga joylashtirdik. Bu menga haqiqiy dasturchi sifatida o‘z ishimning natijasini ko‘rish imkonini berdi.
Hozir esa Python dasturlash tili bo‘yicha chuqur bilimlarni o‘rganmoqdaman. Bu texnologiyaning cheksiz imkoniyatlari borligini anglab yetdim. Endi maqsadim yanada keng – dasturlash bo‘yicha mukammal bilimlarga ega bo‘lish, sun’iy intellekt va kiber xavfsizlik sohalarini o‘zlashtirib, professional dasturchiga aylanish. Chunki men bilamanki, texnologiya – kelajakning asosi!
Agar siz ham kelajagingizni zamonaviy kasblar bilan bog‘lashni istasangiz, sizga “Sensorika IT” o‘quv markaziga kelib, o‘qishingizni tavsiya qilaman. Bilim olish – eng katta sarmoya! Bugun qilingan harakat ertangi muvaffaqiyatning poydevoridir. Men orzularim sari dadil qadam tashlamoqdaman. Siz-chi?
