Bir qaror – kelajakni o‘zgartirdi
Mening ismim Shavkatov Shavkat, men 14 yoshdaman va Navoiy shahridagi 17-maktabda tahsil olaman. Hayotimdagi eng muhim qarorlardan biri – bu “Sensorika IT” o‘quv markaziga kelishim bo‘ldi. Bu qaror men uchun oddiy tanlov emas, balki kelajagimga tashlangan ishonchli qadam edi.
Dastlab IT sohasiga juda qiziqardim, lekin qanday boshlashni bilmasdim. Texnologiyalar meni o‘ziga tortardi – ularni faqatgina tomosha qilish emas, o‘zim yaratishni xohlardim. Shunday qilib, “Sensorika IT” dagi Kompyuter savodxonligi kursiga yozildim.
Bu kurs menga nafaqat kompyuterni tushunishni, balki undan maqsadli foydalanishni ham o‘rgatdi. Avvallari kompyuterda oddiy ishlarda qiynalar edim, endi esa muammosiz ishlay oladigan darajaga yetdim. Bu – mening ilk yutug‘im.
“Sensorika IT” kursidagi dars o'tish jarayoni menga juda yoqdi. Har bir mashg‘ulot – yangi bilim, yangi imkoniyat. Ustozlarimiz sabr bilan tushuntirishadi, amaliy mashqlar orqali bizda haqiqiy tajriba shakllanadi. Men bu muhitda o‘zimni erkin his qilaman, xatolar qilishdan qo‘rqmayman – chunki bu yerda xatolar – o‘sish imkoniyati.
Hozirda men dasturchi bo‘lish yo‘lida ilk qadamlarimni tashlayapman. Lekin orzuyim bank hodimi. Bu sizga g‘alati tuyulishi mumkin: nega IT bilan shug‘ullanib bank hodimi bo‘lishni xohlayman! Chunki men bilaman: bugungi bank tizimi – bu ham IT mahsuli. Men kelajakda raqamli moliyaviy tizimlar bilan ishlaydigan, texnologiyalarni chuqur tushunadigan zamonaviy bank hodimi bo‘lishni istayman.
IT orqali men o‘z kelajagimni o‘zgartirmoqdaman. Har bir yangi o‘rganilgan narsa – bu bir zinapoya. Va men bu yo‘ldan to‘xtamoqchi emasman.
Agar siz ham bir kun kelib orzularingiz sari qat'iy qadam tashlamoqchi bo‘lsangiz – bugun boshlang. Chunki “Sensorika IT” – bu shunchaki o‘quv markazi emas, bu – sizning kelajagingiz boshlanadigan joy.
