Mening ismim Toshniyozova Shahlo Qo‘sha qizi. Hozirda Respublika Shoshilinch Tibbiy yordam ilmiy markazi Navoiy viloyati filialida vrach klinik ordinator bo‘lib o‘qiyman va faoliyat yuritaman. Mening eng katta maqsadim — o‘z kasbimning yetuk mutaxassisi bo‘lish va insonlar salomatligi yo‘lida eng zamonaviy bilimlarni qo‘llashdir.

Bugungi kunda tibbiyot sohasi ham jadal raqamlashtirilmoqda. Ishxonamiz to‘liq raqamli texnologiyalarga o‘tayotgani va elektron poliklinika hisoblangan "D-med" tizimida ishlash talabi menda kompyuter bilimlarini chuqur o‘zlashtirish istagini uyg‘otdi. Bemorlarga tezkor, aniq va zamonaviy xizmat ko‘rsatish uchun tibbiy bilimlardan tashqari IT savodxonligi ham suv va havodek zarur ekanini anglab yetdim.

Bu yo‘ldagi ilk va muhim qadamni Navoiy viloyatidagi “Sensorika IT” o‘quv akademiyasiga kelishdan boshladim. Bu yerda kompyuter savodxonligi bo‘yicha o‘qishni boshlab, kerakli dasturlar bilan ishlash, ma’lumotlar bazasini yuritish va tibbiy raqamli tizimlarni erkin boshqarish sirlarini o‘rganyapman. Har bir dars o‘z ish joyimda tezroq va samaraliroq ishlashim uchun yangi imkoniyatlar eshigini ochmoqda.

Bu yutuqlarga erishishimda va o‘ziga bo‘lgan ishonchim ortishida “Sensorika IT” akademiyasining o‘rni beqiyos. Ustozlarimning qo‘llab-quvvatlovi va amaliyotga asoslangan darslari tufayli endilikda raqamli texnologiyalar va "D-med" tizimida ishlash men uchun qiyinchilik tug‘dirmaydi.

Men ishonaman: bugungi o‘rganayotgan bilimlarim ertaga yuzlab bemorlar hayotini saqlab qolishda va ularga sifatli tibbiy yordam ko‘rsatishda o‘zining katta samarasini beradi. Har kuni o‘z ustimda ishlashda davom etaman, chunki zamonaviy shifokor nafaqat tibbiyotni, balki texnologiyalar tilini ham mukammal bilishi shart!